Updates

እወ፡ ሰላም ህዝቢ ዘማእከለ

 

ዶክተር ንዓኻ ኢና ስምዓና ጽን ኢልካ

ብሸለል ኣይትርኣዮ እዚ ኹሉ ንብለካ

ዘይሓዊ ቍስሊ ኣይትጕዳእ መሊስካ

ልዑላዊት ሃገር ከይተናኸፍካ

ሻርነት ዘይብሉ ቅንዕና ኣኸቲልካ።

 

ንሰላም እንተዀይኑ እዚ ዅሉ ጉያኻ

ንሕና’ውን ኣለና ኣብ ጐድንኻ

እወ፡ ንሰላም ብዘይዘላቕነት

ንዅሉ ዝሕውስ ዘይብሉ ሻርነት

ንዅሉ ዜጋ ዝረብሕ ብማዕርነት።

 

ምኽፋል ምድማር እንታይ’ዩ ምስጢሩ

ብንጹር ‘ተዝቕመጥ ህዝቢ ክሰምረሉ

እስከ ንገረና ካብ ሱር መሰራውሩ

ውዕል ኣልጀርስ እንከይተተግበረ

ከመይ ኢልካ ትብለና ንኽልቴና ማዕረ

ህዝቢ ኤርትራ መሪሩዎ ከም ዕረ

ምስጢሩ ዘይፍለጥ ውዕል እናተገብረ

ንመጻኢ ወለዶ ንዅሉ ዘሕረረ።

 

ዶብና ከይፈለጥና ቃድራ ናይ መሬትና

ኣበይ ከምንሓርስ ግምት’ኳ የብልና

ከም ድላዩ ሕጂ ክሓዋውሰና

ኣሽሓት ዜጋታት ዕሸላት ኣጥፊእና

ዶብና ንክንፈልጥ ብዙሕ ተሳቒና

ለይቲ ምስ መዓልቲ ምዩቕ እናበልና

ከመይ ኢልካ ሕጂ ንደመር ትብለና፧

 

ኣሽሓት ዜጋታት ቀያሕቲ ጸለምቲ

መዓንጣ ዘይቈጸሩ ናይ ጽባሕ ተካእቲ

ምእንቲ እዛ መሬት ምእንቲ’ዛ ርስቲ

እንዲና ከፊልና ዘልኣለም ክትከውን ልዕልቲ

ያኢ ተረኺብና ከብቲ

ክንካፈል ክንድመር ኣብዑር መላፍንቲ

ከም ህላላ ብዕራይ ዝጥሕስ ሕዛእቲ

ኵሉ ትሓዋውስ ብሓንቲ መዓልቲ።

 

ከምቲ ናይ ኢሳያስ እንተዀይኑ ሕልምኻ

ኣይትደቅስ ተበራበር ኢኻ

ነዛ ዕንቊ ባሕሪ መሬት እንተሃረፍካ

ንከንቱ ከይኸውን ኵሉ ድሌታትካ

መሪርን ጽንኩርን ሰላሳ ዓመታት

በሰሓይታ ቍሪ ኣጻምእ ጸድፍታት

ዝተኸፈሎ ዋጋ ኣሽሓት ዜጋታት

ከመይ ኢልካ ትደፍራ ነዛ ሓዳስ መርዓት።

 

ብኣእላፍ ዘይትመን ዝተኸፍለ ዋጋ

ኤርትራ ኣይትሽየጥን ብዋጋ ዕዳጋ

ኣየፍቅድን ከኣ ኤርትራዊ ዜጋ።

 

ስቓይ ኣይትወስኽ ዝተጠጀአ ኣሎ

ኤርትራዊ ዜጋ ኣብ ማሕዩር እንከሎ

እገዳ ክለዓል ትተሓባበሮ

ብደም ዝጠልቀየ ታሪኹ ይመስክሮ

ምስ ዲክታተር ዋዕላ ወጊድ ደኣ በሎ

እቲ ውጹዕ ህዝቢ ኵሉ ክጽንበሮ።

 

ኢሰያስ ከሎ’ዶ ሰላም ተተግቢሩ

ሕልምኻ ከይኸውን ንከንቱ፡ ከይብለካ ኣሉ

ደጋጊምካ መርምር ኣቢይ ሕሰበሉ

ብታሪኽ ከይትሕተት ኣብዘይ ነበርካሉ

ብቕንዕና ይዅን እትገብሮ ኵሉ

ሰላም ምስ ቅሳነት ኵሉ ዝረብሓሉ።

 

ሰላምን ቅሳነትን ንህዝቢ ኤርትራን ኢትዮጵያን!

ዘልኣለማዊ ክብርን መጐስን ምእንቲ እዛ መሬት ዝሓለፉ ሰማእታትና!

 

ፍረወይኒ ባይረ

ሃገረ ጀርመን     

 

————————–

For more information, please see the links below:

The Status of the Constitution of Eritrea and the Transitional Government

Eritrea: Evaluation of UNHRC Candidates for 2019-2021

ካብ ኤርትራ ካብ በጻሕቲ ዝረኽበ ሓበሬታ

ህዝባዊ ተላዕሎ ንትንሳኤ ኤርትራ ፖለቲካዊ መደብ

ቅዋም ክትግበር

Statement of Support for FOR. MOF Berhane Abrehe from Exiled Former Members of Eritrean National Assembly

FRM. MOF Berhane Abrehe’s Message to the Eritrean People and Dictator Isaias Afwerki

Global Journalist: Eritrea’s Opportunity

ሓርበኛ ቅጺ 2 ቍ 6 ጥሪ 1991

ውርሻ ብረታዊ ቃልሲ ህዝብና ንዓቅብ!

Interview – Amb. Andebrhan Welde Giorgis (Frankfurt, Aug 2018)

Comments section Policy Guidelines

Leave a Reply

Your email address will not be published. Required fields are marked *