Events

እምባትካላ ዒራዒሮ፡ ምስጢርክን ንገራ!

17 Sept 2018

 

(ትግርኛ PDF)

እምባትካላ ዒራሮ፡ ምስጢርክን ንገራ!

 

እምባትካላ፡ እምባትካላ ደሃይ ሃብና

ከርስኺ ዝዓቘሮ ምስጢር ኣካፍልና

ተራእዮም ኢሎሞም ኣብ ቅርዓትኺ ጀጋኑና

ዝውንጀሉዎም ብክሕደት ሃገርና

ሕድሪ ኢሎምኺ’ዮም ንገርልና ንስድራና

ኣሰር ገዲፎም’ዮም ኣሉ ከይትብልና

ከም ጨዋይን ጨወይትን ዘይብሎም ሕልና።

 

ኣቱም ዕሱባት ዘስገርኩም ንዒራዒሮ

ስድራ ኣለዉዎም ዘትረፍኩሞም ዝሮምሮ

መንገዱ ሓብሩና ክንበጽሖም ሒዝና ሽሮ

ከነልዕሎም ካብ ዝወደቑዎ ኵነተ-ኣእምሮ

እንተ ረኸብናዮም ህሉዋት ስነ-ኣእምሮ

ኣካሎም ክንድህስስ ክዀኖም ተስፋ ንመንብሮ

ፈተውቲ ከም ዘለዎም ዝጽበዩ ብኣንክሮ። 

 

ዝወደቑ ክንገንዝ ከነህግገሎም ዕጣን

ንቡር ወዲ ኣዳም ክረኽቡ መቓን

ክቡራት’ዮም ሰብ ሓቦን ዝናን

ከዘንቱ’ዩ ዓጽሞም ኣለዎ ልሳን  

ከዘንቱ’ዩ ዓጽሞም ኣለዎ ልሳን።

 

ዒራዒሮ ኣይትግፍዕዮም ከምቲ ከዳዕ ሰውራ

ጋህሲ’ዩ ከብዱ፡ ከጽንት ዝተበገሰ ንብሃገራ

ምሕረት ኣይባህሪኡን፡ ደም’ዩ ቀለቡ ከም ኮብራ

ውዕሎኹም ጨውዩ ኰይኑ መውዓሊ ዳንኬራ

ጐኑ ፈሽ ፈሽ ኢሉዎ ተጸጊዑ ምሰ-ምሓራ

ጻዕረ ከንቱ’ዩ ከረስዓኩም ብታሪኽ ኤርትራ።

 

ጅግንነትኩም ቀቢሩ ብዘይ ኣላዝቦ

መላሲ የብሉን ካብ ዝሓዀሮ ገቦ

በጺሑዎ’ዩ ጥፍኣቱ ከም ዝኣኸከለ ብዓንተቦ

ፍርሒ’ዩ፡ ኣዕጽምቲ ሰብ ዘርግጾ ብካዕቦ  

ኣብ ሬሳ’ዩ ዝስዕስዕ እንተዀኖ ሓቦ

ምስ ከደምቱ ክጠፍእ’ዩ ኣብ ግዜ ዕራርቦ።

 

ክትስእ’ዩ ህዝቢ ኤርትራ ወሲዱ’ሎ ምህሮ

ቅዋም ከቐድም’ዩ ንሃገር ብሕጊ ዘመሓድሮ።

 

 

ዓወት ንውጹዕ ህዝቢ ኤርትራ  

 

– ደላይት ሰናይ

 

————————–

For more information, please see the links below:

Statement of Support for FOR. MOF Berhane Abrehe from Exiled Former Members of Eritrean National Assembly

FRM. MOF Berhane Abrehe’s Message to the Eritrean People and Dictator Isaias Afwerki

Global Journalist: Eritrea’s Opportunity

ሓርበኛ ቅጺ 2 ቍ 6 ጥሪ 1991

ውርሻ ብረታዊ ቃልሲ ህዝብና ንዓቅብ!

Interview – Amb. Andebrhan Welde Giorgis (Frankfurt, Aug 2018)

ጥልመት ኣብ መዓልቲ ሰማእታት!

ህሉው ኵነታት ሃገርናን እዋናዊ ሃገራዊ ዕማማትን

ፍጻመታት መስርሕ ዕርቂ ኢትዮጵያን ኤርትራን ብቃላት ፕረዚደንት ኢሳያስ ኣመታቱን

Commentary – Challenges of Peace and Friendship between Eritrea and Ethiopia

Missing Facts in the Eritrea-Ethiopia Border Debate

Eritrea and Ethiopia-A Joint Declaration of Peace and Friendship

Commentary – The Case for Lifting the Sanctions on Eritrea

Commentary: Securing the Peace between Eritrea and Ethiopia

Comments Section : Please Read Our Policy Guidelines

Leave a Reply

Your email address will not be published. Required fields are marked *